[ مُحِبــي الْامِيْر الْشَّاعِر بَدْر بْن عَبْدُالْمِحْسِن ]

مهندس الكلمة وفنان العرب محمد عبده


[ندعوك للتسجيل في المنتدى أو التعريف بنفسك لمعاينة هذا الرابط]

كان للفنان محمد عبده تعاوناته الكثيرة مع البدر
وقد تغنى من قصائده أشهر اغنايته واميزها

ومنها ..



أرفض المسافة
والسور .. والباب والحارس
آه أنا الجالس ورى ظهر النهار
ينفض أغبار .. ذكرى
أرفض يكون الانتظار .. بكرا
أبسقي عطش قلبي اليابس
على أشفاهي
بقول أحبك
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض أحساس الحبر
وجرح سكين السطر
أرفض الليل .. الحصار
حبنا خلف الجدار
آه أنا الجالس ورى ظهر النهار
أرفض يكون الإنتظار .. بكرا
مثل البكا حبيبتي تحتاجني .. تحت الظلام
ومثل الفرح .. حبيبتي أحتاجها .. وسط الزحام
الحب علمها السكوت
والحب علمني الكلام
أرفض الصمت .. الحوار
بيننا خلف الجدار
أبسقي عطش قلبي اليابس
على شفاهي .. بقول أحبك
أرفض إني أموت .. أموت في قلبك
مادري بموتي أحد ..حتى
أنا,,,





الى من يهمها امري


إلى من يهمها أمرى إلى من ..
رجاءً إلى متى صبري رجاءً

أنا لن اشتكي همي لغيرك ..
ياروحي اشتكي روحي على من ..

رساله حبرها دمي ..
رساله تصرخ ابهمي إلى من ..

سألت الرمل في دروب القوافل ..
سألت الجدب عن لون السنابل ..

سألت الناس عن وجهك حبيبي ..
عن الشمس ومتى تشرق مساءً

أحبك يالصحاري اللي ..
ف هجيرك احترق كلي وفاءً

كتبت لواحة عيونك رسايل ...
بسراب الدمع وانفاس القوايل ..

كتبت وذي ترى اخر رسالة
أحبك وان نسيتيني وداعاً ..





لا تجرحيني .. جرحك العام ما طاب
داوي بحنانك ما مضى .. واجرحيني
ياللي حنانك نظرة بين الأهداب
ردي علي بعض العزا .. ناظريني
خافي على قلبٍ يحبك إلى ذاب
ذاب الهوى في خفقته .. والحنيني
لولاك ما زار القمر ليل الأحباب
ولا لوحت شمس المحبه جبيني
ولولاك .. ما يلفي على الدّار غياب
ولا تبكي اللي فارق الدار عيني
في غيبتك كل الملا عندي اغراب
ما أحدٍ أبي قربه .. ولا أحدٍ يبيني
لا ياغلا كل القرابه والأصحاب
ضاع العدل في الناس لو تظلميني



الرسايل ..



وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله



الفجر البعيد

نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

وآآآآآآآه ..... آآآآآآآآه
أنا حروفي في غيابك
لا هي حكي ولا هي قصيد
أكتب الظلمة وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم شكثرها.. ياللي بقلبي كثرها
ونام .. القمر بوسادتك نام
ليتك تغير عادتك
خل القمر ليلة.. يسهر معي ليلة

وآآآآآآه............ آآآآآآآآه

أنا حروفي في غيابك
لا هي حكي ولا هي قصيد
أكتب الظلمة وأعيد
وأنت يالفجر البعيد.. نامت عيونك

يا ساحر البسمة .. أساهرك نجمة
أبسمعك كلمة .. حتى و لو كلمة
قم نادني .. يالله عسى تحتاجني
إن زاد ظلمك ما عدلت
وإن مر ليلي ما سألت

وآآآآآآآآه ........... آآآآآه

أنا حروفي في غيابك
لا هي حكي ولا هي قصيد
أكتب الظلمة وأعيد
وأنت يالفجر البعيد.. نامت عيونك
الفجر البعيد




جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب


حسايف

ا لتفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين

اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...





خطـــــــــــــــــــــأ

خطأ..
تبخل .. وأنا كلي عطا..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب ..




فوق هام السحب ... وان كنتي ثرى
فوق عالي الشهب ... يا اغلى ثرى
مجدك لقدام ... وامجادك ورى
وان حكى فيك حسادك ترى
ما درينا بهرج حسادك أبــــــــد
أنت ما مثلك بالهدنيا بلـــــــــــــد


من على الرمضه مشى حاف القدم ... يستـــاهلك
ومن سقى غرسك عرق دمعٍ ودم .... يستـــاهـــلك
ومن رعى صحراء الضمى أبل وغنم ... يستـــاهلك
حنا هلك يا دارنا ... برد وهجير
حنا هلك يا دارنا ... وخيرك كثير

من دعى لله بشرع وحكم ... يستـــاهلك
ومن رفع راسك على كل الآمم ... يستــاهلك
ومن ثنى بالسيف نورك ...والقلم ... يستاهلك
نستاهلك يا دارنا ... حنا هلك
أنتي سواد عيوننا ... شعب وملك




حدثينا

حـــدثـــيـــنا ... حـــدثـــيـنــا
يا روابي نجد.. يا جبالها السراة
يا ينابيع الحسا جددي فينا الحياة
حدثينا عن أبو تركي العظيم ... حدثينا
عن أبونا الفارس الشهم الكريم ... حدثينا
عن جهاد جدودنا ... اللي خلوا حدودنا
من بحرها لبحر ... ديرتي كل فخر


ديرتي .....
ودي أقول أن راسي في السماء
يكفي عروقي جرت ... منكم قطر الدماء
يا هل التوحيد والدين العزي...
حدثونا ... ووصفوا عبدالعزيز

{ لا أله الا الله }
موحِدين وموحَدين ...
دارنا بعون الله ...
عزها دنيا ودين


الله أحد

الله أحــــــــد ...
وأرضي بعــــد ....
أرضي تحت حكم الفهد ...
في يدنا كتاب الله ... وفي يدنا الحسام
أخوان من طاع الله ... في حرب وســلام
والله مــــــــعـــــك يــــا بـــــــــــــــلادي


حنا الوفى من طبعنا ... وعادتنا طيبُ وكرمْ
حكمنا من شعبنا ... هذا أخو وهــذا أبن عمْ
حنا جسد في هالفهد روح ... حنا بلد للخير نبني صروح


لي ديرةً عالي السحاب ... يسكن في شم جيالها
أطهر ثرى وأغلى تراب ... تفخر بفعل رجالـــها
حنا جسد في هالفهد روح ... حنا بلد للخير نبني صروح




مركب الهند

يا مركب الهند .. يابو دقلين .. ياليتني كنت ربانك ..
واكتب على دفتك شطرين .. اسمك حبيبي وعنوانك ..
طال انتظاري وقلبي جريح .. يا مركب الشوق ليت الريح
وقت السحاري .. تملا السواري ..
وابحر بشوقي لنور العين .. وارجع لخلي لأوطانه
يا بحر موجك علي عالي .. وطيفه حبيبي على بالي
والبعد قاسي .. وحبيبي ناسي
والله .. يا ربعي .. وأهلي .. وناسي ..
مشتاق قلبي لخلانه ..
يا مركب الوهم عمري ضاع .. ما بين أمل في لقا ووداع
بحر الأماني .. ماله مواني ..
ضيع زمانك .. وضيع زماني ..
وضاع المركب .. بربانه..





مرتني الدنيا

مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..